Ո՞վ հաղթեց Իրանի դեմ Թրամփի պատերազմում. Asia Times
ԱՄՆ նախագահ Դոնալդ Թրամփը երկշաբաթյա հրադադար հայտարարեց Իրանի դեմ իսրայելա-ամերիկյան պատերազմի 39-րդ օրը: Նա հույսը դրեց պակիստանցի միջնորդների օգնության և Իրանի առաջարկած 10 կետից բաղկացած խաղաղության ծրագրի վրա: Այսպիսով, Իրանը հաղթեց պատերազմում, գրում է Asia Times-ը:
Իրական կառավարությունը գլխատելու իսրայելա-ամերիկյան փորձը ձախողվեց: Այաթոլլահ Ալի Խամենեին սպանվեց իր ընտանիքի անդամների հետ միասին, բայց Փորձագետների ժողովը նրա որդուն՝ Մոջթաբա Խամենեին, Գերագույն առաջնորդ ընտրեց:
Ըստ էության, Թրամփը և Իսրայելի առաջնորդ Բենիամին Նեթանյահուն ներքին հեղաշրջում իրականացրին Իրանի կառավարության կենտրոնամետ պրագմատիկների դեմ՝ ապահովելով նրանց փոխարինումը ծայրահեղ աջ արմատականներով:
Թրամփը և Նեթանյահուն Իրանի դեմ հրեշավոր պատերազմական հանցագործություններ են կատարել, այնքան հրեշավոր, որ շատ երկրներ, գոնե հռետորական հարթության վրա, աջակցել են Իրանին:
Իսրայելը պատերազմից դուրս է գալիս որպես իզգոյ: Միացյալ Նահանգները չափազանց հարուստ, մեծ և հզոր է իզգոյ լինելու համար, սակայն նրա հեղինակությունը կտրուկ անկում է ապրել, և ապագայում կարող է շատ ավելի քիչ համագործակցություն ակնկալել այլ երկրներից։
Իրանը, հավանաբար, 1 միլիարդ դոլարի վնաս է հասցրել Մերձավոր Արևելքում տեղակայված 13 ամերիկյան ռազմական բազաներին։ Իրանը ցույց տվեց, որ ամերիկյան ռազմական բազայի առկայությունը չի պաշտպանում ընդունող երկիրը, այլ, ընդհակառակը, այն ավելի մեծ վտանգի է ենթարկում։
Հարցը՝ արդյոք Պարսից ծոցի երկրները կցանկանա՞ն ամերիկյան բազաներ ունենալ միջնաժամկետ և երկարաժամկետ հեռանկարում, այս ամենից հետո, մնում է բաց։ Իսկ Իրաքում առհասարակ, ամերիկյան զորքեր մնացե՞լ են։
Նեթանյահուն, իր հերթին, ակնհայտորեն չափազանց վստահ էր իսրայելական հակահրթիռային համակարգերի հարցում։ Շատ իսրայելցիներ ստիպված էին գիշերել ապաստարաններում։ Ավելին, Իսրայելի հակահրթիռային համակարգերն ավելի արագ են սպառվում, քան Իրանի բալիստիկ հրթիռները, ուստի եթե պատերազմը շարունակվի, Իսրայելը ինչ-որ պահի հեշտ թիրախ կդառնա։
Եթե Իսրայելը իսկապես համաձայնի պահպանել Թրամփի հայտարարած երկշաբաթյա հրադադարը, ուրեմն պատճառը հենց դա է։ Ընդամենը մի քանի օր էր մնում, որ Իսրայելն իրանական հարվածների նկատմամբ լիովին խոցելի դառնա։ Իսրայելն արդեն ստիպված էր թույլ տալ, որ որոշ հրթիռներ անծոչընդոտ ընկնեին իր հողի վրա։ Այդ առումով Իսրայելը պարտվել է։
Պատերազմը ձախողվեց ոչ միայն այն պատճառով, որ Իրանի կառավարությունը դեռևս գոյություն ունի, այլև այն պատճառով, որ նավթից և Հորմուզի նեղուցով անցման համար նախատեսված նոր վճարներից տարեկան եկամուտը կարող էր մի քանի անգամ ավելի մեծ լինել, քան պատերազմից առաջ Չինաստանին նավթի վաճառքից ստացված եկամուտը։
Բաից դրանից, Թրամփը ստիպված էր վերացնել իրանական նավթի վրա դրված պատժամիջոցները։
Իրանի դեմ Իսրայելի և ԱՄՆ-ի ագրեսիան սովորեցրեց՝ ինչպես օգտագործել անօդաչու թռչող սարքերի դիվերսիաները Հորմուզի նեղուցով անցնող նավերից վճար գանձելու համար։ Դժվար է պատկերացնել այդ վճարի պահանջից հրաժարվելը, քանի որ էժան անօդաչու թռչող սարքերի հարվածները միշտ կարող են հրդեհներ առաջացնել նավթ և հեղուկացված բնական գազ տեղափոխող լցանավերի վրա։
Դրոնների դեմ պայքարի համակարգի տեղադրումը այնքան թանկ է, որ շատ ավելի էժան կլինի պարզապես վճարը անցման համար։ Ավելին, ապահովագրական ընկերությունները կցանկանային 100% արդյունավետ համակարգ ունենալ, որը ի վիճակի չէ ապահովել ոչ մի հակադրոնային կամ հակահրթիռային համակարգ։
Իրանն, անկասկած, սարսափելի կորուստներ կրեց 39-օրյա իսրայելա-ամերիկյան ռազմական արշավի ընթացքում։ Իրանը կորցրեց մոտ 3600 մարդ և, հնարավոր է՝ վիրավորվեց մոտ 20 հազար իրանցի։
Իրանում կարևորագույն օբյեկտներ են ավերվել։ Սակայն միանգամայն հնարավոր է, որ դրանք կարելի է վերականգնել։ Միանգամայն հնարավոր է, որ Ռուսաստանը և Չինաստանը օգնություն կցուցաբերեն այդ հարցում։
Ավելացնել նոր մեկնաբանություն