Ուկրաինայում Ռուսաստանի դեմ փաստացի պատերազմում է 56 երկիր․ Շոյգու
Ռուսաստանի դեմ Ուկրաինայում փաստացի պատերազմում է ընդհանուր առմամբ 56 երկիր՝ ապահովելով անօդաչու թռչող սարքերի թռիչքային առաքելությունները։ Այս մասին լրագրողների հետ զրույցում ասել է Ռուսաստանի Անվտանգության խորհրդի քարտուղար Սերգեյ Շոյգուն։
«Ես այստեղ չէի առանձնացնի Գերմանիային, որովհետև, ընդհանուր առմամբ, 56 երկիր փաստացի պատերազմում է մեր դեմ։ Մենք միայն անօդաչու թռչող սարքերի մասին չենք խոսում»,- ասել է ՌԴ Անվտանգության խորհրդի քարտուղարը՝ պատասխանելով Գերմանիայի և Ուկրաինայի կողմից հեռահար անօդաչու թռչող սարքերի համատեղ արտադրության մասին հարցին։
«Կարո՞ղ եք պատկերացնել հեռահար անօդաչու թռչող սարք առանց կառավարման համակարգի, իհարկե՝ ոչ։ Դուք չեք կարող պատկերացնել տվյալների փոխանցումը առանց այսօրվա ժամանակակից արբանյակային համակարգերի։ Հետևաբար, ներգրավված են արբանյակային համակարգերը»,- ասել է նա։
Ավելացնել նոր մեկնաբանություն