Փաշինյանն ու Պուտինը հանդիպել են Չինաստանում
ՌԴ նախագահ Վլադիմիր Պուտինը Չինաստանում հանդիպել է Հայաստանի վարչապետ Նիկոլ Փաշինյանին։ Այս մասին հայտնում է ТАСС-ը:
Փաշինյանի հետ հանդիպումն առաջինն է օտարերկրյա առաջնորդների հետ Պուտինի երկկողմ բանակցությունների շարքում։ Այն տեղի է ունեցել Չինաստանի նախագահ Սի Ցզինպինի կողմից կազմակերպված ընդունելությունից անմիջապես հետո։
Պուտինը Փաշինյանի հետ հանդիպմանը հայտարարել է, որ ուրախ է նրա հետ բանակցելու հնարավորության համար, քանի որ բազմաթիվ հարցեր են կուտակվել ինչպես երկկողմ, այնպես էլ տարածաշրջանային բնույթի քննարկման համար:
ՌԴ նախագահը հույս է հայտնել, որ վարչապետ Փաշինյանի հետ զրույցը օգտակար և բովանդակալից կլինի:
«Ուրախ եմ Ձեզ տեսնել»,- ասել է Պուտինը։
Ավելացնել նոր մեկնաբանություն