Փեզեշքիանն ասել է՝ ինչ է անհրաժեշտ Մերձավոր Արևելքում հակամարտության կարգավորման համար
Մերձավոր Արևելքում հակամարտության կարգավորման համար անհրաժեշտ է ճանաչել Թեհրանի իրավունքները և փոխհատուցում վճարել։ X-ի իր էջում այս մասին գրել է Իրանի նախագահ Մասուդ Փեզեշքիանը:
Նա նշել է, որ հեռախոսազրույց է ունեցել Ռուսաստանի նախագահ Վլադիմիր Պուտինի և Պակիստանի առաջնորդ Ասիֆ Ալի Զարդարիի հետ՝ վերահաստատելով Իրանի հանձնառությունը տարածաշրջանում խաղաղությանը։
«Սիոնիստական ռեժիմի և ԱՄՆ-ի կողմից սանձազերծված այս պատերազմին վերջ դնելու միակ միջոցն Իրանի օրինական իրավունքների ճանաչումն է, հատուցումներ վճարելը և ապագա ագրեսիայի դեմ միջազգային ամուր երաշխիքներ տրամադրելը»,- գրել է Փեզեշքիանը:
ՌԻԱ Նովոստին, հղում անելով աղբյուրին, նշում է, որ Թեհրանն ընթացիկ իրավիճակում չի մտածում Վաշինգտոնի հետ բանակցությունների մասին:
Ավելացնել նոր մեկնաբանություն