ՌԴ-ն և Ուկրաինան քննարկում են ռազմագերիների և քաղաքացիական անձանց փոխանակման ցուցակները
Ռուսաստանն ու Ուկրաինան քննարկում են ռազմագերիների և քաղաքացիական անձանց նոր փոխանակման ցուցակները։ Կողմերն այս հարցով ամենօրյա կապ են պահպանում, ՌԻԱ Նովոստիին հայտնել է ՌԴ մարդու իրավունքների հանձնակատար Յանա Լանտրատովան։
«Կան պատրաստի ցուցակներ, մենք դրանք քննարկում ենք։ Այն ընթացքի մեջ է, փոխգործակցությունը ամենօրյա ձևաչափով է։ Հույս ունեմ, որ մոտ ապագայում ի վերջո կկայանա փոխանակումը թե՛ ռազմագերիների, թե՛ քաղաքացիական անձանց մասով»,- ասել է Լանտրատովան։
Նրա խոսքով՝ ուկրաինական գերության մեջ գտնվող ռուսաստանցի զինծառայողների շրջանում բազմաթիվ վիրավորներ կան։ Նրանց վերադարձի հարցը նույնպես քննարկվում է փոխանակումների նախապատրաստման շրջանակում։
Լանտրատովան հիշեցրել է, որ «103-ը 103-ի դիմաց» բանաձևով վերջին խոշոր փոխանակման ժամանակ ռուսական կողմին հաջողվել է վերադարձնել 31 վիրավոր զինծառայողի։
«Ուստի մենք զբաղվում ենք այդ հարցով, ամեն ինչ անում ենք»,- ավելացրել է օմբուդսմենը։
Բացի այդ, նոր փոխանակման շրջանակում Ռուսաստանն ու Ուկրաինան կարող են ընտանիքների վերամիավորման մարդասիրական ակցիա իրականա
Ավելացնել նոր մեկնաբանություն