«Թաթոյան» հիմնադրամ. Մեծ Բրիտանիայի խորհրդարանում ներկայացվել է հայ ժողովրդի նկատմամբ Ադրբեջանի թշնամանքի քաղաքականությունը
«Թաթոյան» հիմնադրամից հայտնում են, որ հոկտեմբերի 15-ին քննարկումներ են տեղի ունեցել Մեծ Բրիտանիայի խորհրդարանում, մասնավորապես`
– փաստերով ներկայացվել է հայ ժողովրդի նկատմամբ Ադրբեջանի ռասիզմի և թշնամանքի, հայկական ինքնության ոչնչացման շարունակվող պետական քաղաքականությունը:
– Փաստեր ՀՀ ներխուժած ադրբեջանական զինված ծառայողների կողմից Հայաստան սահմանային բնակիչների իրավունքների կոպիտ խախտումների և շրջակա միջավայրի ոչնչացման վերաբերյալ:
– Բարձրացվել են Արցախից հայերի բռնի տեղահանման փաստերը, նրանց անվտանգ ու ապահով վերադարձի հարցը:
– Ներկայացվել է մշակութային և կրոնական ժառանգությունը մտադրված ոչնչացնելու ադրբեջանական քաղաքականությունը։
– Ադրբեջանում ապօրինի գերության մեջ գտնվող և պատանդ պահվող մեր հայրենակիցների՝ հայրենիք վերադարձի բացարձակ անհրաժեշտությունը:
– Հանդիպմանը կարևորվել է ադրբեջանական բոլոր հանցանքների համար ադրբեջանական իշխանությունների նկատմամբ պատասխանատվության արդյունավետ միջոցներ կիրառելու անհրաժեշտությունը։
Լորդերի պալատում տեղի ունեցած հանդիպմանն Արման Թաթոյանը և Գառնիկ Քերքոնեանը մասնակցել են Հայաստանյայց Առաքելական Սուրբ Եկեղեցու Մեծ Բրիտանիայի և Իռլանդիայի թեմի առաջնորդ Տեր Հովակիմ եպիսկոպոս Մանուկյանի հրավերով:
Այդ քննարկմանը մասնակցել են նաև Լորդերի պալատի անդամ բարոնուհի Քերոլայն Քոքսը, ինչպես նաև Հայ դատի հանձնախմբի ներկայացուցիչ Անետ Մոսկոֆյանը, հոգևոր առաջնորդներ, հասարակական կազմակերպությունների ներկայացուցիչներ։
Նույն օրը հանդիպում է եղել նաև Համայնքների պալատում, որին մասնակցել են պատգամավորները:
Ավելացնել նոր մեկնաբանություն