Թրամփը խոսել է «Հեզբոլլահ»-ի հետ և կանխատեսում է առաջընթաց հրադադարի հարցում
ԱՄՆ նախագահ Դոնալդ Թրամփն Օվալաձև աշխատասենյակում հունիսի 4-ին լրագրողների հետ զրույցում հայտարարել է, որ խոսել է «Հեզբոլլահ» խմբավորման հետ Լիբանանում հնարավոր հրադադարի մասին։ «Արմենպրես»-ի փոխանցմամբ՝ այս մասին հաղորդում է The Times of Israel-ը։
«Նրանք ինձ չեն մերժել։ Նրանք զանգահարեցին մեզ և ասացին. «Գուցե դադարեցնե՞նք»։ Եվ կարծում եմ, որ այնտեղ որոշ բաներ տեղի կունենան», – ասել է նա։
«Շատ լավ կլիներ, եթե Լիբանանում խաղաղություն լիներ։ Ես խոսել եմ Բիբի (Բենիամին) Նեթանյահուի հետ այդ մասին, և ես խոսում եմ Լիբանանի հետ այդ մասին, և ես իրականում խոսել եմ «Հեզբոլլահ»-ի հետ այդ մասին։ Եվ կարծում եմ, որ առաջընթաց է գրանցվել», – հավելել է Թրամփը։
Ավելացնել նոր մեկնաբանություն