Խաղաղության խորհուրդը ռեգիոնի խաղաղության պատմական հնարավորություն է. Ֆիդան
Թուրքիայի արտաքին գործերի նախարար Հաքան Ֆիդանը հայտնել է, որ Դավոսում կայացած Խաղաղության խորհուրդը տարածաշրջանում կայուն և համապարփակ խաղաղություն հաստատելու առումով պատմական հնարավորություն է ընձեռում։ Այս մասին նա գրել է «Nsosyal» սոցցանցի իր օգտահաշվում։
Ֆիդանը հիշեցրել է, որ Գազայում պատերազմը դադարեցնելու և վերակառուցումը նպատակ ունեցող Խաղաղության խորհրդի կանոնադրության ստորագրման արարողությանը մասնակցել է՝ ներկայացնելով Թուրքիայի նախագահ Ռեջեփ Թայիփ Էրդողանին։
Նրա պնդմամբ՝ ձևավորված Խաղաղության խորհուրդը, որի հիմնադիր անդամ է նաև Էրդողանը, պատմական հնարավորություն է ընձեռում Գազայի ժողովրդի երկար ժամանակ կրած տառապանքների մեղմման և նրանց հումանիտար կարիքների բավարարման համար։
«Այս համոզմամբ մենք մեր կամքն ենք արտահայտում այն առումով, որ հնարավոր է մի ապագա, որտեղ Գազայի ժողովրդի ձայնը լսելի է, նրանց իրավունքները՝ երաշխավորված, և նրանք կարող են ապրել խաղաղության պայմաններում»,- գրել է Ֆիդանը։
Աղբյուր՝ Ermenihaber
Ավելացնել նոր մեկնաբանություն