ԱՄՆ-ն ռազմական օգնության նոր փաթեթ կտրամադրի Ուկրաինային

Միացյալ Նահանգներն Ուկրաինային կտրամադրի 300 միլիոն դոլարի ռազմական օգնության նոր փաթեթ: Այդ մասին ճեպազրույցում հայտարարել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

Նոր փաթեթը կներառի զենիթահրթիռային համակարգեր, հակաօդային պաշտպանության, ինչպես նաև հակատանկային համակարգեր, ավելի քան 30 միլիոն փամփուշտ, ականազերծման սարքավորումներ, հրետանային և տանկային արկեր։

Ըստ Ջոն Քիրբիի՝ Միացյալ Նահանգները Կիևին կտրամադրի նաև «Patriot» հակաօդային պաշտպանության համակարգերի, «HIMARS» հրթիռային կայանների և անօդաչու թռչող սարքերի համար նախատեսված զինամթերք։