Ադրբեջանական մամուլն անդրադարձել է Հայաստանի՝ Ֆրանսիայից զրահապատ փոխադրիչներ ստանալու լուրերին

Եվրոպայում անվտանգության և կանխատեսման ինստիտուտի (IPSE) տնօրեն Էմանուել Դյուպյուին հայտնել էր, որ Ֆրանսիան Հայաստանին 50 միավոր «VAB MK3» զրահապատ փոխադրիչ կմատակարարի։

Դյուպյուիի խոսքով, հիշատակված մեքենաներից բացի, քննարկվում է նաև Հայաստանի կողմից ֆրանսիական «Arquus» ընկերության արտադրության «Bastion» և «Sherpa» զրահամեքենաների ձեռքբերման հնարավորությունը։

Զրահափոխադրիչների մատակարարումների մասին լուրերին արձագանքել է նաև ադրբեջանական մամուլը՝ նշելով, որ Ֆրանսիան շարունակում է ճանապարհներ փնտրել Հայաստանին օգնելու հարցում։ Շեշտվում է, որ Հայաստանը հույս ունի, թե Ֆրանսիան կօգնի Հայաստանին և՛ երկրի անվտանգության հետ կապված խնդիրները լուծելու, և՛ Լեռնային Ղարաբաղի հակամարտության կարգավորման հարցում։