Ադրբեջանի պաշտպանության նախարարը մասնակցել է «IDEF-23» ցուցահանդեսի բացման արարողությանը

Ադրբեջանի պաշտպանության նախարար Զաքիր Հասանովը և նախարարության այլ բարձրաստիճան պաշտոնյաներ Ստամբուլում մասնակցել են «IDEF-23» պաշտպանական արդյունաբերության 16-րդ միջազգային ցուցահանդեսի բացման արարողությանը։

Այս մասին, «Դետքի» հաղորդմամբ, հայտնում է ադրբեջանական «Report» կայքը՝ հղում անելով Ադրբեջանի պաշտպանության նախարարությանը։

Նախարարության կազմը ծանոթացել է ցուցահանդեսում «ASELSAN», «ROKETSAN», «DEARSAN» և այլ ընկերությունների տաղավարներում ցուցադրված սպառազինությանը և ռազմական տեխնիկային։

Այցի շրջանակում Զ. Հասանովը հանդիպել է նաև Թուրքիայի տեխնոլոգիաների նախարար Մեհմեդ Ֆաթիհ Քաջըրի հետ։ Հանդիպմանը քննարկվել են ռազմատեխնիկական համագործակցության զարգացման հեռանկարները։