Արցախյան հակամարտությունը չի ավարտվել. Ադրբեջանն իր  հանցագործ կեցվածքով այն ավելի խորացրեց. Սեյրան Օհանյան

Արցախյան հակամարտությունը չի ավարտվել։ Ադրբեջանն իր  հանցագործ կեցվածքով այն ավելի խորացրեց։

Այս մասին իր ֆեյսբուքյան էջում գրում է ԱԺ «Հայաստան» խմբակցության ղեկավար Սեյրան Օհանյանը՝ նշելով.  «Ու թեև բոլորս մեծ ցավ  ենք ապրում  այսօր, սակայն ցավն անտրտունջ տանելը քիչ է․ պետք է պայքարել։

Ոչ ոք չի կարող զրկել հողը մայրությունից։ 
Ոչ ոք չի կարող զրկել մեզ մեր Մայր հողից։ 
Նա սպասում է մեզ։

Եվ մենք ամեն ինչ պետք է անենք, որպեսզի վերադառնանք Արցախ՝ տիրոջ կարգավիճակով։ Իսկ դրա համար հայ ժողովրդի միասնական կամքն ու գործողությունները, հայկական երկու պետությունների ամբողջ ներուժը կիրառելը և միջազգային ընդունված ձևաչափով բանակցային գործընթացի արագ վերականգնումը այլընտրանք չունեն։

Դանդաղելը կամ հապաղելը շատ վտանգավոր է ու կործանարար»։