Հայ զինվորականի՝ հայրենիքի և ազգի առջև ստանձնած գլխավոր հանձնառությունները՝ ըստ Բուզանդի

Ե դարի պատմիչ Փավստոս Բուզանդն իր «Հայոց պատմություն» աշխատության մեջ թվարկում է նաև հայ զինվորականի՝ հայրենիքի և ազգի առջև ստանձնած գլխավոր հանձնառությունները.

- Հավատարմություն և անձնուրաց ծառայություն անկախ Հայաստան աշխարհին, երկրին ու թագավորությանը։

- Ասպետական պատվի և համարումի («քաջի անվան») անբիծ պահպանում, հարկ եղած դեպքում՝ նաև կյանքի գնով։

- Հավատարմություն և անձնուրաց ծառայություն Հայաստանի պետական համակարգի ամենակարևոր նվիրագործված հաստատությանը՝ Հայաստանի թագավորին (Արշակունի «բնիկ տերերին»)։

- Հավատարմություն և անձնուրաց ծառայություն Հայաստանի բոլոր բնակիչներին՝ անկախ նրանց սոցիալական ծագումից և դիրքից։

- Քրիստոնեական հավատի և Ազգային եկեղեցու նկատմամբ բարեպաշտ վերաբերմունք և դրանց անձնուրաց պաշտպանություն։

- Նվիրվածություն ընտանիքին։

- Նվիրվածություն տոհմակիցներին։

- Հավատարմություն զինակիցներին։

Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Տ․ Զաքարիա ծայրագույն վարդապետ Բաղումյան