Շուրջ 300.000 ադրբեջանցի պաշտոնապես դիմել է Հայաստանի ղեկավարությանը, որպեսզի իրենց վերադարձի համար պայմաններ ստեղծվեն. Ալիև

Բաքվի բռնապետ Իլհամ Ալիևի հարցազրույցի առանցքային կետերը. 

- Ադրբեջանի և Հայաստանի սահմանին ԵՄ դիտորդների անվան տակ ՆԱՏՕ-ի ենթակառուցվածք է ստեղծվել: 

- Հայաստանը «չի դիմանա» Ադրբեջանի հետ սպառազինությունների մրցավազքին, ԱՄՆ-ն ու Ֆրանսիան «չեն օգնի» Երևանին:

- Արևմուտքի կողմից Հայաստանին զինելու պատճառով Ադրբեջանը ստիպված է ընդունել ռեկորդային՝ 5 միլիարդ դոլարի ռազմական բյուջե։

- Արցախում մնացած հայերը սոցիալական աջակցություն են ստանում Ադրբեջանից. «2 ամիս առաջվա տվյալներով՝ այնտեղ մոտ 20 մարդ է մնացել։ Ովքեր մնացել են, սոցիալական աջակցություն են ստանում Ադրբեջանից, Սոցապնախարարությունից, ստանում են բուժում, ապահովվում են սննդով, կյանքն այնտեղ լիովին ապահով է»:

- Շուրջ 300.000 ադրբեջանցի պաշտոնապես դիմել է Հայաստանի ղեկավարությանը, որպեսզի իրենց վերադարձի, վերաինտեգրման համար պայմաններ ստեղծվեն. «Հայաստանի ղեկավարությունից դեռ պատասխան չենք ստացել, թե ինչպես են տեսնում ադրբեջանցիների՝ իրենց պատմական հողեր վերադառնալու գործընթացը»:

- Խաղաղության պայմանագրի ստորագրման համար Հայաստանը «պետք» է փոխի Սահմանադրությունը և համաձայնի ԵԱՀԿ Մինսկի խմբի լուծարմանը: