Միջուկային զենքի ստեղծման համար Իրանին անհրաժեշտ է 1-2 շաբաթ. Բլինքեն
ԱՄՆ պետքարտուղար Էնթոնի Բլինքենը ուրբաթ հայտնել է, որ Իրանին զինական որակի նյութ ստեղծելու համար անհրաժեշտ է 1-2 շաբաթ, քանի որ Թեհրանը շարունակում է զարգացնել իր միջուկային ծրագիրը, տեղեկացրել է CNN-ը։
«Իրանը այն պատճառով, որ չեղարկվել է միջուկային համաձայնագիրը, մեկ տարի անց տրոհող նյութի արտադրմանն անցնելու փոխարեն այժմ, հավանաբար, գտնվում է դրանից 1-2 շաբաթ հեռու»,- ասել է նա։
«Նրանք զենքը չեն ստեղծել, բայց դա, իհարկե, այն է, ինչին մենք շատ մանրակրկիտ հետեւում ենք»,- ավելացրել է Բլինքենը։
Նրա խոսքով՝ ԱՄՆ քաղաքականությունն ուղղված է այն բանին, որ «թույլ չտրվի, որ Իրանը միջուկային զենք ունենա, եւ որ վարչակազմը կնախընտրեր կանխել դա դիվանագիտական ճանապարհով»։
Աղբյուրը՝ News.am
Ավելացնել նոր մեկնաբանություն