4010 ադրբեջանցի շարունակում է մնալ որպես անհետ կորած. Հաջիև
Հայաստանի և Ադրբեջանի միջև «նախկին հակամարտության հետևանքով 4010 Ադրբեջանի քաղաքացի շարունակում է մնալ որպես անհետ կորած», հայտարարել է Ադրբեջանի նախագահի օգնական Հիքմեթ Հաջիևը։ Գրում է Ազատությունը:
«Հայաստանի կողմից անհետ կորած ադրբեջանցիների ճակատագրի վերաբերյալ ճշգրիտ և ամբողջական տեղեկատվության, այդ թվում՝ թաղման վայրերի մասին տվյալների տրամադրումը շարունակում է մնալ կարևոր», - X-ում գրել է Հաջիևը։
44-օրյա պատերազմից հետո հայկական կողմը մոտ 200 անհետ կորածի մասին է նշում, առաջին պատերազմից՝ 900-ի: Բաքուն մոտ 4000 անհետ կորածի մասին է խոսում, նրանք, ըստ Ադրբեջանի իշխանությունների, անհետ կորել են Ղարաբաղյան առաջին պատերազմում:
Վերջին անգամ Հայաստանի և Ադրբեջանի անհետ կորածների հարցերով զբաղվող հանձնաժողովների ներկայացուցիչները հանդիպել են անցած տարի՝ հունիսին:
Ավելացնել նոր մեկնաբանություն