Ադրբեջանը և Բելառուսը մտադիր են ակտիվացնել համագործակցությունը ռազմական ոլորտում

Աշխատանքային այցի շրջանակում Ադրբեջանի պաշտպանության նախարարի առաջին տեղակալ և ադրբեջանական բանակի գլխավոր շտաբի պետ Քերիմ Վելիևը բանակցություններ է վարել Բելառուսի զինված ուժերի գլխավոր շտաբի պետ և պաշտպանության նախարարի առաջին տեղակալ Պավել Մուրավեյկոյի հետ։

Հանդիպման մասին հայտնել են Բելառուսի պաշտպանության նախարարությունից։

Կողմերը քննարկել են երկկողմ ռազմական համագործակցության ներկայիս վիճակը և նախանշել փոխադարձ հետաքրքրություն ներկայացնող ոլորտներում համագործակցությունն ակտիվացնելու ուղիները։