Ադրբեջանը հավանաբար Տիգրանաշենը ներառել է իր սահմաններում, Google-ն այն որպես Ադրբեջան է տեսնում. իրավապաշտպան
Հրապարակախոս, իրավապաշտպան Վարդան Հարությունյանը ֆեյսբուքյան էջում գրում է.
Սյունիքից Երեւան գալիս կամ Երեւանից Սյունիք գնալիս, եթե google maps-ում մուտքագրեք ձեր երթուղին, ապա այն ձեզ ցույց է տալու ճանապարհ, որն անցնում է ոչ թե Երասխով, այլ Վեդիով։ Բոլորիս հայտնի մարյուղին՝ Երեւան-Արտաշատ-Արարատ-Երասխ-Տիգրանաշեն /Քյարքի/- Զանգակատուն-Արենի-Վայք-Սյունիք մայրուղին google-ում չկա։
Google-ը ձեզ տանում է Վեդիով, որովհետեւ ադրբեջանական կողմը հավանաբար ոչ միայն Տիգրանաշեն/Քյարքի/-ն է ներառել իր սահմաններում, այլ նաեւ հարակից հատվածներն ու մայրուղին, հետեւաբար՝ google-ն այն որպես Ադրբեջան է տեսնում։
Հայկական կողմն ինչ որ բան պե՞տք է անի։ Պե՞տք է արդյոք հասնի դրան, որ բուն Հայաստանի տարածքով անցնող Երեւան-Արտաշատ-Գորիս մայրուղու Տիգրանաշեն/Քյարքի/ հատվածը Ադրբեջան չհամարվի։ Հավանաբար պետք է։ Բայց չեն անում։
Չի էլ բացառվում, որ վաղը մենք ոչ միայն Տիգրանաշենի հետ, այլ նաեւ հարակից մայրուղու հետ կապված խնդիր ունենանք։ Ասենք՝ Ադրբեջանը հայտարարի, թե այն Քյարքի գյուղի տարածք է ու մենք պետք է բոլորովին նոր մայրուղի կառուցենք։
Ավելացնել նոր մեկնաբանություն