Համանախագահողները փորձում էին տարածքային ամբողջականության պահպանման և ինքնորոշման իրավունքներն «ամուսնացնել». Քոչարյան
Բանակցային ամբողջ գործընթացը մինչև 1999 թ․ հետևյալ տրամաբանությունն ուներ․ համանախագահողները չէին ցանկանում դուրս գալ տարածքային ամբողջականության սկզբունքից փորձում էին տարածքային ամբողջականության պահպանման և ինքնորոշման իրավունքներն «ամուսնացնել»։ Այսօր հրավիրված մամուլի ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանը՝ անդրադառնալով լրագրողի հարցին, թե արդյոք Ադրբեջանի նախագահ Հեյդար Ալիևի հետ տարածքների փոխանակման հարց քննարկվել է, թե ոչ։
«Բոլոր առաջարկներն էին այսպիսին․ Լևոն Տեր-Պետրոսյանի ժամանակ էլ է այդպիսի առաջարկ եղել։ Ընդհանուր պետության առաջարկն ի՞նչ է․ ինքնորոշված Լեռնային Ղարաբաղը և Ադրբեջանը համատեղ պետություն են ստեղծում որոշակի ասիմետրիկ կոնֆեդերացիայի տեսքով, բայց միշտ փորձը եղել է ամուսնացնել այս երկու սկզբունքները»,- նշեց Քոչարյանը։
Ավելացնել նոր մեկնաբանություն