Հայաստանը երբեք թույլ չի տա իր տարածքն օգտագործել Իրանի դեմ գործողությունների համար. Միրզոյան
Հայաստանը երբեք թույլ չի տա իր տարածքն օգտագործել Իրանի դեմ գործողություններ իրականացնելու համար։
Այս մասին հայտարարել է ՀՀ արտաքին գործերի և միջազգային առևտրի նախարար Արարատ Միրզոյանը՝ Թեհրանում Իրանի խորհրդարանի նախագահ Մոհամմադ Բաղեր Ղալիբաֆի հետ հանդիպման ժամանակ։
«Մենք երբեք թույլ չենք տա, որ մեր երկրի տարածքից գործողություններ իրականացվեն Իրանի Իսլամական Հանրապետության դեմ»,– ասել է Միրզոյանը։
ՀՀ ԱԳ նախարարը նաև ընդգծել է, որ Երևանը կարևորում է տարածաշրջանի երկրների սահմանների կայունության վերաբերյալ Թեհրանի դիրքորոշումը։
Ըստ իրանական աղբյուրների Իրանի խորհրդարանի նախագահն իր հերթին նշել է, որ Իրանն ու Հայաստանը կարող են կառուցողական դեր ունենալ Կովկասում՝ երկկողմ և տարածաշրջանային հարցերի շուրջ կարծիքների փոխանակման միջոցով։
Ղալիբաֆի խոսքով՝ տարածաշրջանը չպետք է վերածվի օտարերկրյա տերությունների աշխարհաքաղաքական մրցակցության հարթակի։Հանդիպման ընթացքում կողմերը քննարկել են նաև հայ-իրանական հարաբերությունների զարգացումը, ռազմավարական համագործակցության փաստաթղթի ստորագրմանն ուղղված աշխատանքները, ինչպես նաև տարանցիկ և էներգետիկ ոլորտներում համագործակցության հնարավորությունները։
Ավելացնել նոր մեկնաբանություն