Իրանը պատրաստ է ցանկացած սցենարի. դեսպանը մեկնաբանել է հնարավոր պատերազմի մասին լուրերը
Իրանի մասնակցությամբ հնարավոր պատերազմի մասին լուրերն ուղղված են տարածաշրջանում լարվածության սրացմանը, սակայն Թեհրանը պատրաստ է ցանկացած սցենարի։ Sputnik Արմենիայի հետ զրույցում այս մասին ասաց Հայաստանում Իրանի դեսպան Մեհդի Սոբհանին։
Ավելի վաղ մի շարք ԶԼՄ–-ներ հայտնել էին, որ Իրանի հետ հարաբերություններում աճող լարվածության ֆոնին ԱՄՆ-ն լրացուցիչ ուժեր և միջոցներ է տեղափոխում Մերձավոր Արևելք: Պենտագոնի մամուլի քարտուղար Շոն Փարնելը պարզաբանել էր, որ այդ միջոցառումներն ուղղված են կայունության ամրապնդմանը, ագրեսիայի կանխմանը և առևտրի ազատ հոսքի ապահովմանը։
«Հիմնականում դրանք տեղեկատվական դաշտում տարածվող խոսակցություններ են: Նպատակն է արհեստականորեն սրել տարածաշրջանի իրավիճակը: Այդ խոսույթներն ու դրանցով ձևավորվող հոգեբանական մթնոլորտը մեզ վրա չեն ազդում: Միևնույն ժամանակ մենք կարծում ենք, որ դիվանագիտության պատուհանը բաց է մնում, մենք պատրաստ ենք ցանկացած արկածախնդրության»,- ասաց դիվանագետը:
Նրա խոսքով՝ նման արտահոսքերը միտումնավոր են ստեղծվում և ծառայում են կոնկրետ նպատակների։
Ավելացնել նոր մեկնաբանություն