Հիմա իմ վիճակով էլ ոչ ոք չի հետաքրքրվում, նոր վիրահատության եմ պատրաստվում. Անի Ավետիսյան
Ցավերս չեն մեղմացել, ոնց առաջին օրն էր, այնպես էլ հիմա է, չեմ դիմանում։ Այս մասին 24News-ի հետ զրույցում պատմել է Սյունիքի մարզի Շաքի գյուղում տեղի ունեցած միջադեպից տուժած 39-ամյա Անի Ավետիսյանը։
Նրա խոսքով, այս շաբաթ «Սուրբ Գրիգոր Լուսավորիչ» բժշկական կենտրոնում պատրաստվում են հերթական անգամ վիրահատել իրեն։ Անին նախորդ շաբաթվանից սպասում է վիրահատության օրվա նշանակմանը.
«Դեռ օրը հայտնի չէ, սպասում եմ, այս շաբաթ պետք է նոր վիրահատության օր նշանակեն, նախորդ շաբաթվանից սպասում եմ, հնարավոր էր, որ նախորդ շաբաթ անեին, բայց չարեցին»,- ասաց նա։
Անիի խոսքով, առաջիկա վիրահատության ընթացքում ծնկի հատվածում իմպլանտ պետք է տեղադրեն, իսկ ազդրի հատվածում տեղադրված մետաղական կոնստրուկցիաները՝ փոխարինեն։
«Ծունկս, որ փշուր-փշուր էր եղել, պետք է իմպլանտ տեղադրեն, ազդրի հատվածի տեղադրված երկաթներն են փոխելու։ Հիմա պարզապես ֆիքսել են ոտքս։ Հաջորդ վիրահատության նպատակն այն է, որ նպաստի ոսկորի աճեցմանը»,- պատմեց Անին։
Անին ասում է, որ հոգեպես արդեն պատրաստվում է հերթական վիրահատությանը։ Ֆիզիկական տառապանքին գումարվում է նաև անորոշությունը․ դեռ հայտնի չէ, թե որքան ժամանակ նա ստիպված կլինի մնալ հիվանդանոցում։ «Նոր վիրահատություն, նոր ցավեր»,- այսպես է Անին նկարագրում սպասվող միջամտությունը.
«Երբ դեպքը նոր էր եղել, մարդիկ հետաքրքրվում էին, հիմա ոչ ոք չի գալիս ինձ տեսակցության։ Վերակենդանացման բաժանմունքում էի, այդ ժամանակ միայն Անահիտ Ավանեսյանն է եկել, այդ մի անգամը ու վերջ»,- ասաց Անին։
Ավելին` սկզբնաղբյուր կայքում։
Ավելացնել նոր մեկնաբանություն