Կարևոր է ամրապնդել ռազմավարական կապերը Բաքվի և Անկարայի հետ․ Կոբախիձե
Թբիլիսիի պաշտոնյաները կարծում են, որ անհրաժեշտ է ամրապնդել Ադրբեջանի, Թուրքիայի և Վրաստանի միջև կապերը, այդ թվում՝ տարածաշրջանային կապի առումով։ Այս մասին հայտարարել է Վրաստանի վարչապետ Իրակլի Կոբախիձեն։
«Սկզբունքորեն կարևոր է մեր երեք երկրների՝ Ադրբեջանի, Վրաստանի և Թուրքիայի միջև ռազմավարական կապերի հետագա ամրապնդումը, այդ թվում՝ կապի առումով։ Մենք անում ենք և կշարունակենք անել ամեն ինչ, ինչ անհրաժեշտ է դրան հասնելու համար», – նշել է Կոբախիձեն՝ մեկնաբանելով Ադրբեջանի նախագահ Իլհամ Ալիևի հայտարարությունները տարածաշրջանում տրանսպորտային և էներգետիկ նախագծերի իրականացման վերաբերյալ։
Նա նաև հիշեցրել է, որ էլեկտրաէներգիայի տարանցման և ստորջրյա մալուխային նախագծերի վերաբերյալ փորձագետների կողմից պատրաստված փաստաթուղթն ընդունելիս Եվրամիությունը Սև ծովի ստորջրյա մալուխային նախագիծը ներառել է ընդհանուր հետաքրքրություն ներկայացնող նախագծերի ցանկում։
Վրաստանի կառավարության ղեկավարը նաև բարձր է գնահատել Ադրբեջանի և Թուրքիայի հետ տարածաշրջանային ինտեգրման մակարդակը։
«Մենք շատ լավ թափ ունենք Ադրբեջանի, ինչպես նաև Թուրքիայի հետ, և, իհարկե, այս ուղղությամբ աշխատանքները ակտիվորեն կշարունակվեն», – եզրափակել է նա։
Ավելացնել նոր մեկնաբանություն