Միլիարդավոր դոլարների զենք վաճառելուց բացի` էլ ո՞նց են պատերազմի ելքի վրա ազդում. ինչ զենքեր է վաճառել ՌԴ-ն Ադրբեջանին
Ռոբերտ Անանյանի գրառումը. «Փաստերն անխոցելի են պրոպագանդայի դեմ։ Այս ցանկը տվեք բոլոր նրանց, ովքեր կպնդեն, թե Ռուսաստանը 2020-ի մեր պարտության մեջ դեր չի ունեցել։ Միլիարդավոր դոլարների զենք վաճառելուց բացի էլ ո՞նց են պատերազմի ելքի վրա ազդում։ 2011 - 2020 թվականներին Ադրբեջանի ռազմական արսենալի 67%-ը Ռուսաստանի և Բելառուսի վաճառած զենքն է, ՌԴ-ի բաժինը 60%-ից ավելի է եղել։
ՑԱՆԿ: Ռուսական այս զենքերից մահացել են հազարավոր հայ զինծառայողներ։ Հայաստանի «դաշնակից» Ռուսաստանը Ադրբեջանին է վաճառել միլիարդավոր դոլարների արժեքով այս զինատեսակները՝ աջակցելով պատերազմում հայկական կողմի դաժան պարտությանը։ Ռուսական զենքի այս զինապահեստը Ադրբեջանը կիրառել է Արցախի և Հայաստանի դեմ 4-օրյա, 44-օրյա պատերազմներում, սահմանային 100-ավոր միջադեպերի ժամանակ։ Քաղաքական պատճառներին հիմա չեմ անդրադառնա։
Հայ հանրությունը պետք է իմանա, թե տասնամյակներով ում է վստահել և վստահում իր անվտանգությունը։ Մեր «դաշնակիցներ» Ռուսաստանը և Բելառուսը 2011-2020-ին Ադրբեջանին մատակարարել են նրա զինապահեստի 67%-ը։ Եվ Հայաստանը դեռ ՀԱՊԿ-ի անդա՞մ է, կամ հիմնավորումներ է փնտրում, թե ինչպե՞ս դուրս գալ։
Ռուսաստանի ռազմական մատակարարումները Ադրբեջանին՝ 2007 թվականից մինչև 2018 թվականը։
- 62 միավոր T-72M1 տանկեր, մատակարարված՝ 2007-ին
- 70 միավոր BTR 80A զրահափոխադրիչներ, մատակարարված՝ 2007-2010-ին
- 100 միավոր Kornet հակատանկային հրթիռներ, մատակարարված՝ 2009-2010-ին
- 18 միավոր 2S19 MSTA-S 152mm ինքնագնաց հրետանի, մատակարարված՝ 2012-2014-ին
- 24 միավոր Mi-35M մարտական ուղղաթիռներ (գործարքի գինը` 360 մլն դոլար), մատակարարված՝ 2011-2014-ին
- 66 միավոր Mi-8MT / Mi-17 տրանսպորտային ուղղաթիռներ, մատակարարված՝ 2010-2015-ին
- 2 միավոր S-300 PMU2 Favorit զենիթահրթիռային համալիրներ (գործարքի գինը՝ 300 մլն դոլար), մատակարարված 2011-ին
- 200 միավոր 48N6 երկիր-օդ հրթիռներ (օգտագործվում է S-300 PMU-2 զենիթահրթիռային համալիրի համար), մատակարարված՝ 2011-ին
- 18 միավոր 2S31 Vena ինքնագնաց ականանետներ, մատակարարված՝ 2012-2014-ին
- 118 միավոր BMP-3 հետևակի մարտական մեքենաներ, մատակարարված՝ 2013-2015-ին
- 1000 միավոր Bastion հակատանկային հրթիռներ (օգտագործվում է BMP-3 հետևակի մարտական մեքենայի համար), մատակարարված՝ 2013-2015-ին
- 18 միավոր Սմերչ BM-9A52 համազարկային կրակի ռեակտիվ համակարգեր, մատակարարված՝ 2012-2014-ին
- 1000 միավոր Իգլա-Ս շարժական ՀՕՊ համակարգեր (գործարքը ներառել է նաև 200 գործարկիչներ), մատակարարված՝ 2012-2013-ին
- 100 միավոր T-90 S տանկեր, մատակարարված՝ 2013-2015-ին
- 36 միավոր TOS-1 Солнцепёк համազարկային կրակի ծանր հրանետային համակարգեր, մատակարարված՝ 2013-2017-ին
- 100 միավոր 9M317 երկիր-օդ հրթիռներ, (օգտագործվում են Բելառուսից գնված Buk-MB հրթիռային համակարգից կրակելու համար), մատակարարված՝ 2013-2014-ին
- 100 միավոր 9M38 / SA-11 երկիր-օդ հրթիռներ, (օգտագործվում են Բելառուսից գնված Buk-MB հրթիռային համակարգից կրակելու համար), մատակարարված՝ 2013-2014-ին
- 76 միավոր BTR 82A զրահափոխադրիչներ, մատակարարված՝ 2017-2018-ին
- 24 միավոր Khrizantema կործանիչ տանկեր, մատակարարված՝ 2017-2018-ին
- 800 միավոր Khrizantema հակատանկային հրթիռ, (օգտագործվել է 24 հատ Khrizantema կործանիչ տանկի համար), մատակարարված՝ 2017-2018-ին
ՀԱՊԿ-ում Հայաստանի մյուս դաշնակից Բելառուսի ռազմական վաճառքներն Ադրբեջանին։
- 60 միավոր T-72 M1 տանկեր, մատակարարված՝ 2005-2006-ին
- 12 միավոր 2S7 Pion 203mm ինքնագնաց հրետանի, մատակարարված՝ 2008-2009-ին
- 30 միավոր D-30 122mm - քարշակով հրետանի, մատակարարված՝ 2010-ին
- 11 միավոր Su-25 ցամաքային հարձակման օդանավ, մատակարարված՝ 2009-2012-ին
- 93 միավոր T-72 M1 տանկ, մատակարարված՝ 2011-2012-ին
- 2 միավոր Buk-1M հրթիռային համակարգ, մատակարարված՝ 2013-2014-ին,
- 26 միավոր 2A36 Giatsint-B 152mm քարշակավոր հրետանի, մատակարարված՝ 2017-ին
- 6 միավոր Polonez համազարկային կրակի ռեակտիվ համակարգեր, մատակարարված՝ 2018-ին
- 300 միավոր A200 կառավարվող հրթիռներ, (օգտագործվում է Polonez-ի համար), մատակարարված՝ 2018-ին
Այս տվյալները կարող են դեռ ամբողջական ծավալը չարտացոլել։ Ռուսաստանը և Ադրբեջանը կարող էին զենքի առևտրի զգալի ծավալ թաքցնել, հասանելի չդարձնել հետաքրքրված միջազգային կազմակերպություններին, պետություններին»։
Ավելացնել նոր մեկնաբանություն