Եգիպտոսի ՌՕՈՒ-ն տոնում է «Rafale» կործանիչների 10.000 թռիչքի մեկնարկը

Եգիպտոսի ռազմաօդային ուժերը տոնել են Եգիպտոսի Արաբական Հանրապետությունում եգիպտական « Rafale» ինքնաթիռի թռիչքների (10.000) մեկնարկը՝ օդային ուժերի, ֆրանսիական «Dassault» ընկերության և ֆրանսիական մի շարք բարձրաստիճան պաշտոնյաների ներկայությամբ:

Արարողությունը սկսվել է Եգիպտոսի ռազմաօդային ուժերի մասին շնորհանդեսով, երկրի ՌՕՈՒ ներկայացուցիչը հանդես է եկել ելույթով, որի ընթացքում ողջունել է ներկաներին՝ նշելով, որ այս տոնակատարությունն ընդգծում է Եգիպտոսի և Ֆրանսիայի միջև արդյունավետ համագործակցության աստիճանը, ինչն էլ նպաստում է հարաբերությունների ամրապնդմանը։

Ելույթ է ունեցել նաև ֆրանսիական «Dassault» ընկերության ներկայացուցիչը՝ անդրադառնալով Եգիպտոսի զինված ուժերի և ֆրանսիական ընկերության միջև ընդլայնված երկկողմ հարաբերությունների խորությանը և հաջորդ փուլում ավելի լայն համագործակցության ձգտմանը, ինչպես նաև գովաբանելով Եգիպտոսի ռազմաօդային ուժերը և ավիացիոն սպառազինության առաջադեմ տեխնոլոգիաները կլանելու նրանց կարողությունը՝ իրենց հանձնարարված խնդիրները նորագույն մասնագիտական մեթոդներով իրականացնելու համար։

Արարողությունն ավարտվել է երկու կողմերի միջև վահանների փոխանակմամբ, որին մասնակցել են զինված ուժերի որոշ պաշտոնյաներ և ֆրանսիական ընկերության մի շարք ներկայացուցիչներ։