Ուկրաինան մտադիր չէ հրաժարվել Ռուսաստանի վերահսկողության տակ գտնվող տարածքներից. Զելենսկի
Ուկրաինայի նախագահ Վլադիմիր Զելենսկին հայտարարել է, որ Կիևը չի ճանաչում Ղրիմի և Մոսկվայի վերահսկողության տակ գտնվող ուկրաինական մյուս տարածքների՝ Ռուսաստանին պատկանելը։
Այս մասին նա ասել է CNN Türk-ին տված հարցազրույցում՝ Թուրքիա կատարած այցի ընթացքում։
Զելենսկու խոսքով՝ Կիևի առաջնահերթությունը ներկայիս շփման գծի երկայնքով հրադադարի հաստատումն է, որից հետո կարող են քննարկվել մյուս հարցերը։
Նա նշել է, որ խաղաղ բանակցությունների օրակարգում կարող են ներառվել էներգետիկ հրադադարը, ծովում ռազմական գործողությունների դադարեցումը և գերիների փոխանակումը։
Հնարավոր գագաթնաժողովի գլխավոր նպատակը, ըստ Զելենսկու, պետք է լինի ամբողջական և անվերապահ հրադադարի հասնելը, միջազգային վերահսկողության մեխանիզմի ստեղծումն ու Ուկրաինայի անվտանգության երաշխիքների տրամադրումը։
Ավելի վաղ Ուկրաինայի նախագահը հայտարարել էր նաև Թուրքիայի տարածքում Ռուսաստանի նախագահ Վլադիմիր Պուտինի հետ հանդիպելու պատրաստակամության մասին։
Ավելացնել նոր մեկնաբանություն