Զելենսկին պատրաստ է հանդիպել Պուտինի հետ և քննարկել նույնիսկ տարածքային հարցերը․ Սիբիգա
Ուկրաինայի արտաքին գործերի նախարար Անդրեյ Սիբիգան հայտարարել է, որ Զելենսկին պատրաստ է հանդիպել Պուտինի հետ և քննարկել նույնիսկ ամենաբարդ հարցերը, այդ թվում՝ տարածքայինները։
Սիբիգայի խոսքով՝ Ֆինլանդիայի նախագահ Ալեքսանդր Ստուբի և Նորվեգիայի վարչապետ Յոնաս Գահր Ստյորեն Պուտինի հետ հեռախոսազրույցը համաձայնեցվել է Ուկրաինայի հետ։ Հիմնական ուղերձները եղել են հրադադարի պահանջը և Զելենսկու և Պուտինի միջև հանդիպում կազմակերպելու առաջարկը։
«Հավանաբար, միայն Զելենսկու և Պուտինի միջև հանդիպումը կարող է բանակցություններին նոր որակ հաղորդել։ Զելենսկին պատրաստ է քննարկել ամենաբարդ և զգայուն հարցերը, այդ թվում՝ տարածքային հարցը»,- նշել է Սիբիգան։
Սիբիգան նշել է, որ առաջնորդների միջև հանդիպումը կարող է բանակցություններին նոր որակ հաղորդել և հանգեցնել կոնկրետ քայլերի, ինչպիսիք են գերիների փոխանակումը և առևանգված երեխաների վերադարձը։
Այնուամենայնիվ, նա ընդգծել է, որ Ուկրաինան համաձայն չէ հանդիպումն անցկացնել Մոսկվայում կամ Բելառուսում։
«Մեզ համար դա նշանակություն չունի։ Գլխավորն այն է, որ դա Մոսկվան կամ Բելառուսը չլինեն, կամ գուցե Հյուսիսային Կորեան»,- ասել է Սիբիգան։
Արտգործնախարարի խոսքով՝ Ուկրաինայի, ԱՄՆ-ի և Ռուսաստանի միջև եռակողմ բանակցությունները նախատեսված է շարունակել նոյեմբերին Աբու Դաբիում։ Սակայն Կիևը դեռևս որևէ նշան չի տեսել, որ Մոսկվան իսկապես հանձնառու է պատերազմը դիվանագիտական ճանապարհով ավարտելուն։
Ավելացնել նոր մեկնաբանություն