Ավստրալիան 60 միլիոն դոլար արժողությամբ «Javelin» հակատանկային հրթիռներ կգնի

Ավստրալիան ԱՄՆ-ից գնելու է 60 միլիոն դոլար արժողությամբ «Javelin» հակատանկային հրթիռներ, հայտնում է «Israel Defense»-ը։

ԱՄՆ պետդեպարտամենտի հաստատած պայմանագիրը նախատեսում է 255 միավոր «FGM-148F Javelin» համակարգերի մատակարարում Ավստրալիային։ Մատակարարը լինելու է «Raytheon Lockheed-Martin Joint Venture Company» պաշտպանական կոնցեռնը։

Հակատանկային համակարգերի գնման նախորդ պայմանագիրն ավստրալացի զինվորականները ստորագրել են 2020 թ.։ Գործարքը նախատեսում էր մոտ 46 մլն դոլար արժողությամբ 200 «Javelin FGM-148E» հրթիռային համակարգի մատակարարում։