Ֆրանսիական MMP առաջադեմ հակատանկային հրթիռները հայտնվել են Եգիպտոսում

Եգիպտոսի ռազմածովային ուժերի հետ առաջին անգամ պաշտոնապես ցուցադրվել է «Akeron MP/MMP» հակատանկային հրթիռը (ATGM):

Ֆրանսիական արտադրության ATGM-ն առանձնանում է «կրակել և մոռանալ» տեխնոլոգիայի աջակցությամբ և հրամանատարական ուղղորդմամբ, ինչպես նաև գործարկումից հետո թիրախն արգելափակելու ունակությամբ (LOAL):

«Akeron MP/MMP»-ն հինգերորդ սերնդի հակատանկային հրթիռ է՝ մինչև 4 կմ հեռահարությամբ։ Հրթիռն ունի զրահաթափանց տանդեմի մարտագլխիկ մինչև 2000 մմ հաստությամբ։

Հատկանշական է, որ Եգիպտոսում անցած շաբաթ անցկացված «IDEX 2018» պաշտպանական արդյունաբերության ցուցահանդեսի գործունեության ընթացքում MBDA ընկերությունը Եգիպտոսի ռազմածովային ուժերին ներկայացրել է 5-րդ սերնդի MMP հակատանկային հրթիռի ծովային տարբերակը։

Ռազմածովային գործողությունների ընթացքում հրթիռներ օգտագործելու ունակության մասին հայտարարվեց մեկ ամիս առաջ «Euronaval» ցուցահանդեսի ժամանակ, երբ ֆրանսիական բանակը Ջիբութիում ծովային և ցամաքային թիրախների դեմ նավարկելիս փորձեց հրթիռն արձակել RHIB դասի նավերից մեկից, և հրթիռն առաջացրեց Մերձավոր Արևելքի և Ասիայի երկրների հետաքրքրությունը:

Հատկանշական է, որ MBDA-ն Եգիպտոսին տրամադրել է հրթիռների լայն տեսականի, ինչպիսիք են MICA ջերմային, ռադարային և այկ տեսակի հրթիռները, «Scalp EG» թևավոր հրթիռները «Rafale» կործանիչները զինելու համար,«Exocet» հականավային հրթիռները, «VL MICA» և «Aster-15» ցամաքային հրթիռները, օդային հրթիռներ՝ «Gowind 2500» դասի կորվետները և «Tahya Masr» ֆրեգատը զինելու համար: