ԱՄՆ-ն ուկրաինացի զինվորականների համար «Abrams» տանկերի հետ աշխատելու ուսուցման ծրագրի է սկսում

Սպիտակ տունը հայտարարել է «Abrams»  հետ աշխատելու համար ուկրաինացիների վերապատրաստման ծրագրի մեկնարկի մասին: Այդ մասին ճեպազրույցում ասել է ԱՄՆ վարչակազմի ներկայացուցիչը։

Նրա խոսքով՝ այդ տանկերը բարդ համակարգ են, որը պահանջում է մեծ ուսուցում և տեխնիկական աջակցություն, ուստի ուկրաինացի զինվորականներին կսովորեցնեն աշխատել տանկի հետ, այդ թվում՝ տեխնիկական սպասարկում։

«ԱՄՆ-ի կողմից Ուկրաինա տեղափոխված «Abrams» տանկերը կկազմեն մեկ տանկային գումարտակ, այդ իսկ պատճառով Ուկրաինային կհանձնվի 31 տանկ, քանի որ այդքանն է անհրաժեշտ գումարտակ ստեղծելու համար»,- լրագրողներին հայտնել է ամերիկյան վարչակազմի ներկայացուցիչը։