Բրիտանիայում առաջարկել են Լեհաստանում զենքի գործարան կառուցել՝ Ուկրաինային օգնելու համար
Պաշտպանության կոմիտեի նախագահ Թոբիաս Էլվուդն առաջարկել է Լեհաստանում կառուցել «զենքի խոշոր գործարան»՝ օգնելու Ուկրաինային հաղթել Ռուսաստանի հետ հակամարտությունը: Այս մասին գրում է «The Telegraph»-ի բրիտանական հրատարակությունը։
Էլվուդի խոսքով` Ուկրաինայի սպառազինության պաշարները սպառվում են, իսկ Արևմուտքից զենքի և զինամթերքի մատակարարումն այժմ անհուսալի է: Հետևաբար, Լեհաստանում գործարանը կարող է օգնել Ուկրաինայի զինված ուժերին դառնալ ավելի անկախ:
Նա հիշեցրել է Թայվանում միկրոչիպերի գործարանը, որը բացվել էր ԱՄՆ-ի կողմից՝ վախենալով, որ կղզին կարող է անջատվել մատակարարումներից: Գործարանի ստեղծման շուրջ բանակցություններն արդեն սկսվել են։ Մեծ Բրիտանիան կարող է առանցքային դեր խաղալ այս նախագծում։
«Եկեք նույնն անենք Ուկրաինայի հետ, որպեսզի նրանք կարողանան գնել իրենց սեփական սարքավորումները՝ ըստ իրենց բնութագրերի, հնարավոր է՝ ՆԱՏՕ-ի չափանիշներին», - ասել է Էլվուդը:
Ավելի վաղ գերմանացի քաղաքական գործիչ, Եվրոպական ժողովրդական կուսակցության (ԵԺԿ), Եվրախորհրդարանի առաջատար խմբակցության նախագահ Մանֆրեդ Վեբերն առաջարկել էր Եվրամիությունում «պատերազմական տնտեսություն» մտցնել։
Ավելացնել նոր մեկնաբանություն