Լավրովն ասել է, որ Մոլդովան Ուկրաինայից հետո կարող է նոր «հակառուսական նախագիծ» դառնալ
Ռուսաստանի արտգործնախարար Սերգեյ Լավրովը հայտարարել է, որ «իրենք բոլորը ցանկանում են» Ուկրաինայի հետ պատերազմի ավարտը, սակայն Մոսկվայի համար այս հարցում գլխավորը ոչ թե ժամանակի գործոնն է, այլ արդյունքը։ Այս մասին, ինչպես հայտնում է «Դետք»-ը, նա ասել է «Ռոսիա 24» հեռուստաալիքին տված հարցազրույցում։
«Բոլորն ուզում են, որ Ուկրաինայում իրավիճակն ավարտվի, բայց այստեղ կարևորը ոչ թե ժամանակն է, այլ արդյունքների որակը ռուս ժողովրդի համար»,- ասել է Լավրովը։
Բացի դրանից՝ ռուս նախարարը պնդում է, որ ոչ ոք չի փորձում Ուկրաինային համոզել վերադառնալ Ռուսաստանի Դաշնության հետ խաղաղ բանակցություններին։ Միաժամանակ, նրա կարծիքով, Վլադիմիր Զելենսկին իրեն ոչ թե անկախ գործիչ է զգում, այլ նրան մանիպուլյացիայի են ենթարկում դրսից։ Նա հավելել է, որ այն դրույթը, թե Ռուսաստանը հրաժարվում է Ուկրաինայի հարցով բանակցություններից, սուտ է, և Մոսկվան «կշարունակի հերքել դա»։
ՌԴ ԱԳ նախարարն անդրադարձել է նաև Մոլդովային. նրա խոսքով՝ Արևմուտքն այժմ իբր այս երկրին է նայում «հաջորդ Ուկրաինայի» դերում, իսկ նրա նախագահ Մայա Սանդուն «պատրաստ է գրեթե ամեն ինչի»։
Հիշեցնենք, որ փետրվարի 1-ին ԳՈՒՌ-ի ներկայացուցիչ Անդրեյ Յուսովը հայտարարել էր, որ Ուկրաինան գտնվում է Ռուսաստանի հետ պատերազմի շատ ակտիվ փուլի շեմին։ Նրա խոսքով՝ Մոսկվան քաջ գիտակցում է, որ միջազգային աջակցությունը Կիևին աճում է, ուստի ավելի է սրում հարձակողական գործողությունները, որպեսզի գոնե որոշ արդյունքների հասնի։
Ավելացնել նոր մեկնաբանություն