«Ռուս-ուկրաինական պատերազմը երբեք չի ավարտվի Ռուսաստանի հաղթանակով»․ Բայդեն

ԱՄՆ նախագահ Ջո Բայդենը Վարշավայում իր ելույթի ժամանակ հայտարարել է, որ Ռուսաստանի ռազմական գործողությունների մեկնարկից մեկ տարի անց էլ Կիևը վստահ կանգնած է, իսկ ՌԴ նախագահն ուկրաինացիներին թերագնահատել է:

«Մեկ տարի առաջ աշխարհը սպասում էր Կիևի անկմանը: Ես կարող եմ ասել՝ Կիևը կանգուն է, ուժեղ և, ամենակարևորը, ազատ է»,- ելույթի սկզբում ասել է ԱՄՆ նախագահը։

«Ռուսաստանը երբեք չի հաղթի Ուկրաինային, երբեք»,- հավելել է նա:

«ԱՄՆ-ն և Եվրոպայի երկրները չեն ձգտում ՌԴ-ի նկատմամբ վերահսկողություն սահմանել կամ ոչնչացնել ՌԴ-ին: Արևմուտքը չի ծրագրել հարձակվել ՌԴ-ի վրա, ինչպես այսօր պնդում էր Պուտինը: Միլիոնավոր ռուսները, որոնք ցանկանում են խաղաղ ապրել իրենց հարևանների հետ, թշնամիներ չեն: Այս պատերազմն անհրաժեշտություն չէր, այն ողբերգություն է: Պատերազմն ընտրել է նախագահ Պուտինը: Պատերազմի ամեն նոր օրը Պուտինի ընտրությունն է»,- նշել է Բայդենը: