Պաղեստինա-իսրայելական հիմնախնդիրը լուծելու համար ԱՄՆ-ն պետք է ավելի շատ գործի, քան խոսի

Իսրայելի կողմից պաղեստինցի խաղաղ բնակիչների սպանությունը և տները քանդելու արշավը «շատ վտանգավոր» իրավիճակ է ստեղծել Հորդանանի արևմտյան ափում, ասել է Պաղեստինի նախագահի խոսնակ Նաբիլ Աբու Ռուդեյնեն:

Նա նշել է. «Մենք բախվում ենք աննախադեպ ծայրահեղական իսրայելական կառավարության հետ: Իսրայելի վարած քաղաքականությունը հավասարազոր է պաղեստինյան ժողովրդի դեմ պատերազմին: Ամենօրյա սպանությունները մեծացրել են լարվածությունը Պաղեստինում, մինչդեռ Իսրայելի հետ քաղաքական հարաբերությունները բացակայում են, և անվտանգության համակարգումը դադարել է: Մենք պահանջում ենք դադարեցնել բոլոր միակողմանի միջոցները, և, հետևաբար, մեր բոլոր տարբերակները բաց կլինեն, այդ թվում՝ ՄԱԿ-ի անվտանգության խորհուրդ դիմելը և Արդարադատության միջազգային դատարան ու Միջազգային քրեական դատարան տեղափոխելը»:

Խոսնակը հավելել է, որ Իսրայելն ամեն ամիս բռնագրավում է պաղեստինյան ֆոնդերի 300.000 դոլարը, ինչի արդյունքում Պաղեստինի ինքնավարությունը չի կարող վճարել իր աշխատակիցների ամբողջ աշխատավարձը։

Փետրվարի 3-ին Իսրայելը, որը հարկեր է հավաքում ՊՎ-ի անունից, հայտարարել է, որ կօգտագործի 100 միլիոն շեքել (29 միլիոն դոլար) ՊՎ-ի միջոցներից՝ պաղեստինյան հարձակումներից տուժածներին փոխհատուցելու համար:

Իսրայելի ֆինանսների նախարար Բեզալել Սմոտրիչը ստորագրել է հրամանը՝ պնդելով, որ միջոցները սովորաբար ՊՎ-ի կողմից կփոխանցվեն բանտարկյալների ընտանիքներին և դիմադրության մարտիկներին:

Պահանջվող գումարը կրկնակի է, քան ամսական առգրավվող սովորական թիվը՝ 14.7 միլիոն դոլար: Սա իր տեսակի մեջ առաջին քայլն էր Սմոտրիչի կողմից իր պաշտոնը ստանձնելուց հետո:

Աբու Ռուդեյնեն Իսրայելը նկարագրել է որպես «օրենքից դուրս պետություն, որը հակասում է օրենքին և ՄԱԿ-ի անվտանգության խորհրդի բանաձևերին, որոնք իսրայելական բնակավայրերն անօրինական են համարում, այդ թվում՝ Արևելյան Երուսաղեմում»:

Իսրայելը շարունակում է շինարարությունն Արևելյան Երուսաղեմում և Հորդանանի արևմտյան ափում՝ չնայած իր անօրինականությանը, ասել է նա՝ հավելելով, որ Իսրայելը դարձել է «էկզիստենցիալ սպառնալիք ԽՎ-ի համար, քանի որ ունի կառավարություն, որը խաթարում է անվտանգությունն ու կայունությունը պաղեստինյան և արաբական ասպարեզներում»:

«Ամերիկյան կողմի հետ ունեցած մեր շփումներում մենք լիովին պարզ հասկացրել էինք, որ եթե Իսրայելը չդադարեցնի իր միակողմանի քայլերը, մենք ստիպված ենք որոշումներ կայացնել, որոնցից առաջինն անվտանգության համակարգման դադարեցումն էր»,- նշել է Աբու Ռուդեյնեն։

Ըստ վերջինիս՝ ԱՄՆ վարչակազմը պետք է ստիպի Իսրայելին պահպանել միջազգային իրավունքը. «Հայտարարությունները չեն վախեցնում Իսրայելին և չեն ստիպում վերջ տալ այն ամենին, ինչ նա անում է»:

«Մենք անընդհատ ձայներ ենք լսում, որոնք ասում են՝ մենք ցանկանում ենք ուժեղացնել ԽՎ-ն, բայց նրանք ավելի շատ ուժեղացնում են Իսրայելն ու ՀԱՄԱՍ-ը, քան ԽՎ-ն՝ նպաստելով Գազայի հատվածին գումար մատակարարելուն»,- հավելել է Աբու Ռուդեյնեն

Ըստ նրա՝ պաղեստինցի պաշտոնյաները, որոնք շփվում են ԱՄՆ կառավարության հետ, կենտրոնացել են երկու հարցի վրա՝ միակողմանի միջոցառումների և ստորագրված համաձայնագրերի վրա. այդ երկու մտահոգությունները կարող են բարձրացվել ՄԱԿ-ի անվտանգության խորհրդում, եթե առաջընթաց չգրանցվի: