Ուկրաինայի գերակա խնդիրն է անել ամեն ինչ, որպեսզի պատերազմին վերջ դրվի. Զելենսկի
Մենք պատրաստվում ենք ակտիվացնել բանակցությունները և մշակել ենք լուծումներ, որոնք կառաջարկենք մեր գործընկերներին, Telegram ալիքում գրել է Ուկրաինայի նախագահ Վլադիմիր Զելենսկին Ռուսաստանի հետ խաղաղ բանակցությունների վերսկսման մասին՝ հավելելով, որ վաղը հանդիպում է նախատեսված Թուրքիայում։
«Ուկրաինայի գերակա խնդիրն է անել ամեն ինչ, որպեսզի պատերազմին վերջ դրվի», - գրել է Զելենսկին։
Նա նաև հավելել է, որ Կիևն անում է հնարավոր ամեն ինչ՝ ռուսական գերությունից ուկրաինացիների ազատ արձակումը վերսկսելու համար։
Հիշեցնենք, որ Ռուսաստանի հետ բանակցություններում ուկրաինական պատվիրակության ներկայացուցիչ և արտաքին գործերի առաջին փոխնախարար Սերգեյ Կիսլիցան զգուշացրել էր, որ Կիևի և Մոսկվայի միջև տեխնիկական բանակցությունների ձևաչափը սպառվել է՝ մինչև Ռուսաստանի պատվիրակությունը Վլադիմիր Պուտինից այլ մանդատ չստանա, քանի որ մինչ այժմ այն միայն վերջնագրեր է ներկայացրել։
Ավելին, նա կարծում է, որ այս ձևաչափը անկարող է իրական առաջընթացի հասնել մարտական գործողությունների դադարեցման գործում, ինչը չի կարելի ասել առաջնորդների հնարավոր գագաթնաժողովի մասին։
Ավելացնել նոր մեկնաբանություն