Թուրքիան կօգնի Սիրիայում 300.000 հոգանոց բանակ ստեղծել
Թուրքիան Սիրիայի նոր իշխանություններին կօգնի 300.000 հոգանոց կանոնավոր բանակ ստեղծել. դրա կազմավորմանը կմասնակցեն թուրք ռազմական խորհրդատուներ և մասնագետներ:
«Մեր նպատակն է 1-1.5 տարում ստեղծել 300.000-անոց բանակ. Թուրքիայի ռազմական աջակցությունն այս փուլում բացառիկ նշանակություն ունի»,- ասել է Սիրիայի նոր ղեկավարությունը ներկայացնող գեներալ Ահմեդ Օսմանը:
Նրա խոսքով՜ սկզբնական փուլում կձևավորվի 70.000-80.000-անոց զինված ուժերի ողնաշարը, և ամենակարճ ժամկետում թիվը կհասնի 150.000-200.000-ի։
«Ստեղծվող բանակում ներառվելու են «Հայաթ Թահրիր ալ Շամ» խմբավորման շուրջ 40.000 անդամներ Իդլիբից, 50.000 մարդ՝ Սիրիական ազատ բանակից, ինչպես նաև ռազմական և հետախուզական սպաներ, որոնք ներգրավված չեն Ասադի ռեժիմի հանցագործություններին: Թուրքիայի ռազմական աջակցությունն այս հարթակում բացառիկ նշանակություն ունի»,- նշել է Օսմանը։
Ավելացնել նոր մեկնաբանություն