Թուրքիան մշակել է նոր՝ գերարագ 155 մմ արկ
Թուրքիայում՝ IDEF 2025 ցուցահանդեսի ժամանակ, ցուցադրվել է նոր` 155 մմ-անոց արկը՝ պինդ վառելիքով հրթիռային շարժիչով, որի շնորհիվ այն կարող է խոցել 130 կմ հեռավորության վրա գտնվող թիրախներ՝ 52 տրամաչափի փողից արձակվելիս։
Ըստ «Դետքի»` այս մասին գրում է ադրբեջանական minval.az կայքը։
Միևնույն ժամանակ, ինչպես հաղորդում է European Defence Review-ն, արկի յուրահատկությունը դրա արագությունն է. այն կարող է հասնել 7-8 Մախ (2382-2722 մ/վրկ) արագության, և սա պարզապես անհավանական ցուցանիշ է հրետանային արկի համար: Ինչպես նշվում է Defense Express-ում, համեմատության համար, սովորական 155 մմ M107 արկը կարող է ունենալ 830 մ/վրկ սկզբնական արագություն, ժամանակակից APFSDS արկերը թռչում են մոտ 1700 մ/վրկ արագությամբ, իսկ դրանից առաջ նմանատիպ արկերն ունեն մինչև 3.5 Մախ առավելագույն արագություն:
Բացի այդ, արկը հագեցած է ուղղորդման համակարգով։ Այն արդեն գտնվում է մշակման վերջին փուլում և անցնում է որակավորման փորձարկումներ։
Defense Express-ի մասնագետները նշում են, որ այս հրթիռային արկի մարտագլխիկը փոքր կլինի, քանի որ դրա մեծ մասը զբաղեցնում է շարժիչը։
«Այնուամենայնիվ, մարտագլխիկի բացակայությունը փոխհատուցվում է նրանով, որ արկերն ունեն բարձր ճշգրտություն, մեծ հեռահարություն և չափազանց բարձր արագություն: Համեմատելու համար, թե որքան մեծ է արկի հեռահարությունը, ամերիկյան բարձր ճշգրտության M982A1 Excalibur արկն ունի ընդամենը 36-48 կմ հեռահարություն (հեռանկարային հաուբիցներից՝ մինչև 70 կմ)»,- նշում են փորձագետները:
Ավելացնել նոր մեկնաբանություն