Թրամփը հայտարարել է Մերձավոր Արևելքում իրավիճակի նկատմամբ լիակատար վերահսկողություն հաստատելու մասին
ԱՄՆ նախագահ Դոնալդ Թրամփը հայտարարել է, որ լիովին վերահսկում է Մերձավոր Արևելքում տիրող իրավիճակը՝ նշելով, որ Իսրայելն օգնում է Վաշինգտոնին պահպանել իր ազդեցությունը տարածաշրջանում։
«Նայեք Մերձավոր Արևելքին։ Ես լիակատար վերահսկողություն ունեմ։ Մենք դա անում ենք։ Մենք գործընկեր ունենք Իսրայելում», - ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին Թրամփն ասել է Fox News-ին տված հարցազրույցում։
Ամերիկայի առաջնորդը շեշտել է, որ Միացյալ Նահանգներն ունի զգալի ռազմական ուժ՝ Մերձավոր Արևելքում իր շահերը պաշտպանելու համար։
«Մենք ունենք հսկայական գործընկերություն Իսրայելի հետ։ Մենք ունենք հսկայական ռազմական ուժ՝ Մերձավոր Արևելքում կարգուկանոն պահպանելու համար»,- հավելել է ԱՄՆ նախագահը։
Ավելացնել նոր մեկնաբանություն