Զելենսկին պատրաստ է հանդիպել Պուտինի և Թրամփի հետ, սակայն առանց որևէ պայմանի
Ուկրաինայի նախագահ Վոլոդիմիր Զելենսկին հայտարարել է, որ պատրաստ է եռակողմ հանդիպման ԱՄՆ նախագահ Դոնալդ Թրամփի և ՌԴ ղեկավար Վլադիմիր Պուտինի հետ, սակայն մերժում է Ռուսաստանի նախագահի առաջադրած պայմանները։ Այս մասին Զելենսկին ասել է Sky News-ին տված հարցազրույցում։
«Ես պատրաստ եմ հանդիպել նախագահ Թրամփի և Պուտինի հետ, սակայն պատրաստ եմ դա անել առանց որևէ պայմանի»,- ասել է Զելենսկին։
Ուկրաինայի նախագահը շեշտել է, որ չի կարող գնալ մի երկիր, «երբ այդ երկիրը, այդ քաղաքը՝ Մոսկվան», հարձակվում է իրենց վրա։ Նա հավելել է, որ հանդիպումը կարող է տեղի ունենալ ցանկացած այլ երկրում։
Անդրադառնալով Ալյասկայում կայացած Թրամփ-Պուտին հանդիպմանը՝ Զելենսկին նշել է, որ այն «շատ բան տվեց Պուտինին», և եթե դա լիներ եռակողմ հանդիպում՝ իր մասնակցությամբ, ապա որոշ արդյունքներ կլինեին։ Ստամբուլում կայացած բանակցությունների երկու փուլերից հետո ուկրաինական և ռուսական պատվիրակությունները հայտնել են իրենց մտադրությունը՝ խաղաղության գործընթացը վերսկսելու համար նախագահների հանդիպում կազմակերպել։
Սեպտեմբերի սկզբին Պուտինը հաստատել է բանակցություններին իր պատրաստակամությունը՝ պնդելով, որ Զելենսկին պետք է գա Մոսկվա և պատրաստ լինի քննարկումների։
Ուկրաինայի նախագահը թերահավատորեն է արձագանքել այս առաջարկին, իսկ Ուկրաինայի արտգործնախարարությունը Կրեմլի պահանջն անվանել է «անլուրջ և անընդունելի»։
Ավելացնել նոր մեկնաբանություն