Թուրքիան կսկսի տեղական նոր տանկերի արտադրություն
Թուրքիայի ռազմարդյունաբերության նախագահ Հալուք Գյորգյունը հայտարարություն է տարածել տեղական արտադրության ծանր տեխնիկայի թարմացված մոդելի մասին։
Նա նշել է, որ բացառապես թուրքական ներքին ռեսուրսների վրա հիմնված «Altay» տեսակի տանկն առաջիկայում դրվելու է զանգվածային արտադրության, բայց արդեն արդիականացված տարբերակով:
Ընդգծվում է, որ վերոհիշյալ տեսակի տանկն արդեն զինված է նոր սերնդի տեխնոլոգիաներով և հարմարեցվել է թուրքական զինված ուժերի կարիքներին:
Փոփոխությունների համար հիմք է ծառայել վերջին տարիներին Թուրքիայի զինված ուժերի կողմից իրականացվող ռազմագործողությունների արդյունքում ձեռք բերված փորձը:
«Altay» տեսակի թուրքական տանկի նախատիպն ի հայտ է եկել դեռևս 2011-ին: Տանկերի տեղական արտադրության միջոցով Թուրքիան մտադիր էր փոխարինել իր սպառազինությունում առկա գերմանական «Leopard-1» և «Leopard-2» տեսակի տանկերը:
Ավելացնել նոր մեկնաբանություն