Բաքվում ԱՄՆ դեսպանը` հայ-ադրբեջանական հարաբերությունների մասին
«Միասին մենք ձգտում ենք ավելի խոր համագործակցության, որը կապահովի տարածաշրջանում խաղաղությունը»,- այս մասին ասել է Բաքվում ԱՄՆ դեսպան Մարկ Լիբին։
Նա նշել է, որ Հայաստանն ու Բաքվի Հանրապետությունը (խմբ.) սկսել են սահմանների սահմանազատման գործընթացը, բանակցություններ են վարել գերիների փոխանակման շուրջ և բացահայտ հայտարարել, որ ավելի քան երբևէ մոտ են խաղաղության պայմանագրի ստորագրմանը։
«Միացյալ Նահանգները կարծում է, որ այս քայլերը պատմական հնարավորությունների պատուհան են բացել։ Հայաստանի հետ ստորագրվելիք խաղաղության պայմանագիրը կայունություն կստեղծի տարածաշրջանում և կնպաստի առևտրային համագործակցությանը, որը օգուտ կբերի Բաքվին և տարածաշրջանին»,- ասել է նա։
Ավելացնել նոր մեկնաբանություն