Լեհաստանն իր F-16 կործանիչները չի փոխանցի Ուկրաինային. ԶԼՄ

Լեհաստանն Ուկրաինային չի փոխանցի իր F-16 կործանիչները: Տեղեկությունը հայտնում է PAP գործակալությունը՝ հղում անելով Ազգային պաշտպանության նախարարության իր աղբյուրին։
Ավելի վաղ Վլադիմիր Զելենսկին հայտարարել էր, որ Լեհաստանի վարչապետ Դոնալդ Տուսկի հետ հանդիպումից հետո Լեհաստանի կառավարությունից ստացել է դրական որոշում, որով Կիևը կարող է ավելի արագ ստանալ F-16 կործանիչները:

«Խոսքը լեհական F-16 կործանիչների փոխանցման մասին չէ։ Նրանք մնում են և պահպանում են լեհական երկինքը», - ասվում է PAP-ի հաղորդագրությունում։

Աղբյուրը՝ «Sputnik Armenia»