«Աքքույու» ատոմակայանն ավելի վտանգավոր է, քան «S-400» ՀՕՊ համակարգերը․ Գյոնուլ Թոլ
Վաշինգտոնի համալսարանի Մերձավոր Արևելքի հետազոտությունների ինստիտուտի Թուրքիայի բաժնի աշխատանքների կենտրոնի տնօրեն Գյոնուլ Թոլը հայտարարել է, որ «Աքքույու» ատոմակայանի մրցույթը ՆԱՏՕ-ի տեսանկյունից «ավելի մեծ խնդիր» է, քան «S-400» ՀՕՊ համակարգերը, և հավելել. «Ռազմական վերլուծաբանները մտահոգված են՝ քանի որ «Աքքույու» ԱԷԿ-ը պատկանում է Ռուսաստանին, Մոսկվան զինվորներ կարող է բերել, որպեսզի գործարկեն ռադարը և ապահովեն ատոմակայանի անվտանգությունը»։
Այս մասին հայտնում է թուրքական «Kronos37.news» կայքը։
Այդկերպ Ռուսաստանը 100 տարի ուղիղ վերահսկողություն կունենա ՆԱՏՕ-ի երկրի ռազմավարական ենթակառուցվածքի վրա։
Ըստ «T24» կայքի՝ Գյոնուլ Թոլը «The Financial Times»-ում իր հոդվածում գրել է. «Էրդողանը սիրում է այն անվանել «Թուրքիայի առաջին ատոմակայանը»։ Իրականում էլեկտրակայանը Ռուսաստանին է պատկանում։ Ատոմակայանն օգտագործում է «build-own-operate» (BOO) մոդել, որը նախկինում երբեք չի եղել ոլորտում: Ռուսաստանը պահպանում է մեծամասնության սեփականության իրավունքը, սակայն իր վրա է վերցնում ֆինանսական, գործառնական և շինարարական բոլոր ռիսկերը»:
Ավելացնել նոր մեկնաբանություն