Ադրբեջանի, Թուրքիայի և Վրաստանի պաշտպանության նախարարները եռակողմ հուշագիր են ստորագրել
Վրաստանի Բաթումի քաղաքում տեղի է ունեցել Ադրբեջանի, Թուրքիայի և Վրաստանի պաշտպանության նախարարներ Զաքիր Հասանովի, Յաշար Գյուլերի և Իրակլի Չիկովանիի հանդիպումը։ Հանդիպման արդյունքների վերաբերյալ ստորագրվել է եռակողմ հուշագիր։
Պաշտպանության նախարարների 11-րդ եռակողմ հանդիպումից հետո հրավիրված մամուլի ասուլիսում Ադրբեջանի պաշտպանության նախարար Զաքիր Հասանովն անհիմն մեղադրել է Հայաստանին․ «Հայաստանի ռևանշիստական գործողությունները դեռ շարունակվում են։ Հայաստանի զինվելը, Սահմանադրությունը, որը տարածքային պահանջներ ունի հարևան երկրների նկատմամբ, հատկապես Ադրբեջանի, և տարածաշրջանային երկրների միջամտությունը տարածաշրջանի հարցերին Հայաստանի միջոցով ապագայում կարող են վտանգի աղբյուր դառնալ ոչ միայն Ադրբեջանի, այլև ողջ տարածաշրջանի համար։
Իսկ Թուրքիայի պաշտպանության նախարարն ասել է, որ Թուրքիայի, Ադրբեջանի և Վրաստանի միջև ամուր համագործակցությունը համապատասխանում է երկրների շահերին և զգալի ներդրում ունի Հարավային Կովկասում կայունության մեջ։
Ավելացնել նոր մեկնաբանություն