Խաղաղության պայմանագրի տեքստի շուրջ 80 տոկոսը համաձայնեցված է. Հաջիզադե
Ադրբեջանական «Report» կայքը տեղեկացնում է, որ Ադրբեջանի ԱԳՆ խոսնակ Այխան Հաջիզադեն հայցազրույց է տվել «Real TV»-ին։
Նա ասել է, որ խաղաղության պայմանագիրը ամբողջական փաստաթուղթ է. «Անհրաժեշտ է համաձայնեցնել բոլոր կետերը։ Բայց ընդհանուր առմամբ առաջընթաց կա»։
Հաջիզադեն նշել է, որ խաղաղության պայմանագրին խոչընդոտող հիմնական խնդիրներից մեկը Հայաստանի տարածքային պահանջներն են Ադրբեջանի նկատմամբ։ Ըստ նրա՝ Բաքուն իբրև շահագրգռված է տարածաշրջանում հաղորդակցությունների բացմամբ։
«Որքան շուտ Հայաստանը Սահմանադրության մեջ փոփոխություններ կատարի, այնքան շուտ կստորագրվի խաղաղության պայմանագիրը։ Սահմանադրության փոփոխությունների գործընթացի երկարաձգումը չի նպաստում խաղաղությանը, ընդհակառակը, դանդաղեցնում է գործընթացը։ Հույս ունենք, որ Հայաստանը շահագրգռված կլինի խաղաղությամբ»,- ասել է Հաջիզադեն։
Ավելացնել նոր մեկնաբանություն