Ադրբեջանը և Իրանը օկուպացված Արցախում զորավարժություններ են անցկացնում
Ադրբեջանական լրատվամիջոցները, հղում անելով երկրի պաշտպանության նախարարությանը, հայտնել են Իրանի և «այլ մասնակիցների» հետ «օկուպացիայից ազատագրված տարածքներում» «Արազ-2025» համատեղ զորավարժությունների մասին։
«Հանդիպում է տեղի ունեցել զորավարժությունների ղեկավարների և երկու երկրների այլ բարձրաստիճան ներկայացուցիչների միջև։
Հանդիպմանը ներկայացվել է զեկույց զորավարժությունների նպատակների, դրանց սցենարի և անցկացման վայրի, նախապատրաստական գործընթացի, անվտանգության կանոնների, ինչպես նաև տարբեր փուլերում կատարվելիք խնդիրների մասին»,- ասվում է հաղորդագրության մեջ։
Ըստ այդ տեղեկության՝ զորավարժությունները կտևեն մինչև մայիսի 21-ը։
«Սա կարևոր քայլ է համատեղ սահմանների անվտանգությունը ամրապնդելու և հնարավոր սպառնալիքներին դիմակայելու համար»,- հայտարարել է Իսլամական հեղափոխության պահապանների կորպուսի ցամաքային զորքերի հրամանատարի տեղակալ Վալիոլլահ Մանին։
Ավելացնել նոր մեկնաբանություն