Ադրբեջանն արդեն լիարժեք կերպով միջազգային հռետորաբանության մեջ ներդրել է «Արևմտյան Ադրբեջան» եզրույթը. Արմեն Հովասափյան
Արմեն Հովասափյանը գրում է. «Ցավով պետք է արձանագրենք մի դաժան ու վտանգավոր իրողություն. Ադրբեջանն արդեն լիարժեք կերպով միջազգային հռետորաբանության մեջ ներդրել է «Արևմտյան Ադրբեջան» եզրույթը։ Սա այլևս պարզապես քարոզչական ձևակերպում չէ, այլ մի իրողություն, որն ակտիվ շրջանառվում է միջազգային հարթակներում։ Այո՛, «գետնի վրա» դա դեռ փաստ չէ, բայց տեղեկատվական և դիվանագիտական օրակարգում՝ արդեն «ներկառուցված իրականություն» է։ Այս փաստի մասին խոսում են ոչ միայն Բաքվում, այլև՝ այստեղ՝ Երևանում՝ իշխանության շուրթերով։
Այս վտանգավոր պրոցեսի գլխավոր մեղավորը Նիկոլի հակապետական արտաքին քաղաքականությունն է՝ իր անգործության մատնված ԱԳՆ-ով և ավելի քան 50 դեսպաններով։ Այս ինստիտուցիոնալ լռությունը, չարձագանքելը և ռազմավարական արձագանքի բացակայությունը ոչ այլ ինչ է, քան մասնակցություն՝ պետական իներտությամբ թշնամական օրակարգերին։
Ավելին, ադրբեջանական միջազգային տուրիստական գործակալությունները, իրենց արտասահմանյան սիմպոզիումների ժամանակ, «Արևմտյան Ադրբեջան» անունով տուրեր են ներկայացնում որպես «պատմամշակութային» ուղղություններ։ Սա թերևս շատերի ուշադրությունից վրիպել է, սակայն այն հստակ վկայություն է՝ պետության կողմից մշակված և փուլ առ փուլ առաջ մղվող նարատիվի։
Ի դեպ, մի ուշագրավ դրվագ, որը, գուցե, հիշեցնելու արժանի է. 2018-ի իշխանազավթման օրերին Նիկոլը՝ Օսիպյան Վալերի հետ հանդիպումներից մեկի ժամանակ, հայտարարում էր, թե իբր «Սերժ Սարգսյանը Հայաստանը պատրաստվում էր դարձնել Ադրբեջանի մի մաս»։ Իսկ հիմա ի՞նչ ունենք. բացահայտ պետական սաբոտաժ, կազմաքանդված արտաքին քաղաքականություն և՝ Ադրբեջանին օժանդակող քարոզչական լռություն։
Ուրեմն ո՞վ էր իրականում երկիրը ադրբեջանացման տանողը՝ պետությունն ու երկրի ինքնությունը պահած Սերժ Սարգսյա՞նը, թե՞ երկիրը մատաղ անող Նիկոլը՝ իր գլխահակ կոշիկ լիզելով ու Հայաստանի ստերջանցմաբ»։
Ավելացնել նոր մեկնաբանություն