Ալիևի այցը ժամանակավորապես բռնազավթված Արցախ
Ադրբեջանական լրատվամիջոցները հաղորդել էին, որ Իլհամ Ալիևը կնոջ հետ մեկնել է ժամանակավորապես բռնազավթված Արցախ:
Երեկ՝ փետրվարի 19-ին, Բաքվի բռնապետը մասնակցել է Ստեփանակերտում հիմնանորոգված և վերակառուցված «Բուլուդ» հյուրանոցի բացմանը։
Բացի դրանից՝ օկուպանտ Ալիևը ծանոթացել է ադրբեջանա-ուզբեկական համատեղ ձեռնարկություն հանդիսացող Ստեփանակերտի կարի ֆաբրիկայի գործունեությանը, ինչպես նաև Խոջալուի շրջանի Բալիջա գյուղում առանձնատների և ենթակառուցվածքների վերականգնման աշխատանքներին, ապա հանդիպել գյուղ տեղափոխված մի խումբ բնակիչների հետ։
Նույն օրը Ալիևը Ստեփանակերտում մասնակցել է «հաղթանակի» զբոսայգու հիմնարկեքի արարողությանը։
Փետրվարի 18-ին էլ նա կնոջ հետ այցելել է Ակնա՝ այնտեղ ծանոթանալով մսուր-մանկապարտեզում և միջնակարգ դպրոցում իրականացվող շինարարական աշխատանքներին։
Նրանք ծանոթացել են նաև Ասկերանի ամրոցային համալիրի հայեցակարգային նախագծին։
Ավելացնել նոր մեկնաբանություն