Արևմտյան ադրբեջանցիների վերադառնալու ցանկությունը չի նշանակում տարածքային պահանջ Հայաստանի նկատմամբ․ Ալիև
Արևմտյան ադրբեջանցիների վերադառնալու ցանկությունը չի նշանակում տարածքային պահանջ Հայաստանի նկատմամբ։
Այս մասին հայտարարել է Ադրբեջանի նախագահ Իլհամ Ալիևի «Վերադարձը Արևմտյան Ադրբեջան՝ որպես մարդու իրավունքների գերակայության կարևոր պայման» թեմայով միջազգային համաժողովում, հաղորդում են ադրբեջանական լրատվամիջոցները։
«Հայաստանը պետք է հրաժարվի այդ խնդրանքը այս տեսքով ներկայացնելու փորձերից։ Այս հարցը չի հանվի Ադրբեջանի օրակարգից մինչև վերադարձի իրականացումը։ Իհարկե, անվտանգության երաշխիքներ պետք է տրամադրվեն նաև արևմտյան ադրբեջանցիներին, ովքեր կվերադառնան իրենց հայրենիք»,- ընդգծել է Բաքվի բռնապետը։
Նա նշել է նաև, որ Հայաստանը «պետք» է հստակ դիրքորոշում արտահայտի` երբ և ինչ պայմաններում արևմտյան ադրբեջանցիները կկարողանան վերադառնալ իրենց «հայրենի հողերը»։
Ալիևը բողոքել է, որ հայ հասարակության մեջ մնում է խոր ատելությունը թյուրք ժողովուրդների նկատմամբ, պահպանվում են Մեծ Հայաստանի երազանքները, իսկ Ադրբեջանի և Թուրքիայի նկատմամբ տարածքային պահանջներն արձանագրված են երկրի Սահմանադրության մեջ։
Ավելացնել նոր մեկնաբանություն