Այն խաղաղությունը, որ մատուցվում է յուրաքանչյուր արդուկից կամ սառնարանից, քիչ կապ ունի իրական գետնի վրա եղածի հետ. Թուրքիան գոհ չէ օգոստոսի 8-ից
Քաղաքական վերլուծաբան Հակոբ Բադալյանը ֆեյսբուքյան իր էջում գրում է. ««Վարչապետ Փաշինյանը և նախագահ Էրդողանը շեշտել են կառուցողական մոտեցումների պահպանման անհրաժեշտությունը՝ փոխվստահության մթնոլորտի ձևավորման և տարածաշրջանային հաղորդակցությունների զարգացման նպատակով», հայտնում է կառավարության հաղորդագրությունը, որը Չինաստանում կայացած Փաշինյան-Էրդողան հանդիպման մասին է:
Հետաքրքիր շեշտադրում չէ՞՝ կառուցողական մոտեցումների պահպանման անհրաժեշտություն: Թվում է, թե դիվանագիտական ստանդարտ է, բայց հարց է առաջանում՝ եթե հաստատվել է հայ-ադրբեջանական խաղաղություն, եթե օգոստոսի 8-ից հետո լրիվ նոր ռեգիոն է, ինչպես օրինակ հավաստիացնում էր Հայաստանի վարչապետն իր ուղերձում, ապա ինչու՞ պետք է առաջանա «կառուցողական մոտեցումների պահպանման անհրաժեշտությունը շեշտելու» կարիք:
Սա թերեւս վկայում է, որ չնայած հնչող հայտարարություններին, օգոստոսի 8-ի առիթով մատուցվող պաթոսին, խորքային մակարդակում պրոցեսների տրամաբանությունն ու բնույթը այլ է: Այլ ասելով, բոլորովին նկատի չունեմ պատերազմահեն, կամ էսկալացիայի մեծ լիցքեր պարունակող:
Պարզապես այն խաղաղությունը, որ մատուցվում է յուրաքանչյուր արդուկից կամ սառնարանից անգամ, գործնականում քիչ կապ ունի իրական գետնի վրա եղածի հետ, որովհետեւ գետնի վրա լուծված հարցեր գործնականում չկան:
Դրա համար է, որ խոսում են «կառուցողականությունը պահպանելու անհրաժեշտության մասին»: Դե այն մասին, որ Թուրքիան գոհ չէ օգոստոսի 8-ից, ես խոսել եմ այդ իրադարձությունից անմիջապես հետո»:
Ավելացնել նոր մեկնաբանություն